༉ འབྲུག་གི་བཙག་འཐུ་ལྷན་ཚོགས་ཀྱིས་ཞུ་དོན་འདི་ཡང་ ཐིམ་ཕུག་ཀ་ཝང་བྱང་ས་ དམངས་གཙོའི་ཁང་བཟང་གི་ བཞི་པ་ཆེན་མོའི་ཚོགས་ཁང་ནང་ལུ་སྦེ་ སྤྱི་ལོ་༢༠༡༦ སྤྱི་ཟླ་༥ པའི་སྤྱི་ཚེས་༡༧་ ༢༤་ ༣༡ དང་ སྤྱི་ཟླ་༦ པའི་ སྤྱི་ཚེས་༧་ ༡༤་ རེས་གཟའ་ལྷགཔ་ ༥ གི་ ཕྱི་རུའི་ཆུ་ཚོད་ ༥.༣༠ ལས་ ༧ ཚུན་གྱི་བར་ན་ མི་མང་ག་གིས་རང་འབད་རུང་ བཅའ་མར་གཏོགས་ཆོག་པའི་ ཚོགས་རྒྱན་སྐྱུར་མིའི་ཤེས་ཡོན་ལས་རིམ་ འགོ་འདྲེན་འཐབ་ནི་ཨིན་མི་ནང་ བཅའ་མར་གཏོགས་གནང་ཟེར་བའི་མགྲོན་བརྡ་ཞུཝ་ཨིན།
མི་མང་ག་གིས་རང་འབད་རུང་ བཅའ་མར་གཏོགས་ཆོག་པའི་ ཚོགས་རྒྱན་སྐྱུར་མིའི་ཤེས་ཡོན་ལས་རིམ་འདི་ ས་གནས་གཞུང་གི་བཙག་འཐུ་ཐེངས་༢ པ་ རན་པའི་གྲ་སྒྲིག་འབད་ནི་དང་ སེམས་ཤུགས་ཅན་གྱི་ཚོགས་རྒྱན་སྐྱུར་མི་ཚུ་དང་ དང་འདོད་ཅན་གྱི་འདེམས་ངོ་ཚུ་གིས་ སྤྱི་འོག་དང་ རྒེད་འོག་༢༠༥ གི་ནང་ལུ་ ཚོགས་རྒྱན་སྐྱུར་མི་ཤེས་ཡོན་ལས་རིམ་ནང་ བཅའ་མར་གཏོགས་མ་ཚུགས་པར་ལུས་མི་ ཐིམ་ཕུག་ནང་འཁོད་ལུ་ སྡོད་མི་ཚོགས་རྒྱན་སྐྱུར་མི་ཚུ་ལུ་ དམིགས་བསལ་གྱིས་ ཕན་ཐོགས་ཚུགས་པའི་དོན་ལུ་ཨིན།
ལས་རིམ་འདི་ མི་མང་ག་གིས་རང་འབད་རུང་ བཅའ་མར་གཏོགས་ཆོག་ནི་དང་ འདི་གི་དོན་ལུ་ ཐོ་བཀོད་ཚུ་ཡང་ ག་ནི་ཡང་འབད་དགོཔ་མེད། འདི་གི་དོན་ལས་ མཁྱེན་འདོད་རེ་ཡོད་པ་ཅིན་ ཡིག་ཚང་གི་དུས་ཚོད་སྐབས་ལུ་ མི་ངོམ་པདྨ་རྒྱལ་མཚན་དང་གཅིག་ཁར་ བརྒྱུད་འཕྲིན་ཨང་ ༣༣༤༨༥༡ དང་ ༣༣༤༨༥༢ ཐོག་ལས་ འབྲེལ་བ་འཐབ་གནང་ཟེར་ཞུཝ་ཨིན།
བཙག་འཐུ་ལྷན་འཛིན་སྤྱི་ཁྱབ།
འབྲུག་གི་བཙག་འཐུ་ལྷན་ཚོགས།
