༉ འབྲུག་གི་བཙག་འཐུ་ལྷན་ཚོགས་ཀྱི་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་ དོན་ཚན་ ༤༥༧ དང་ འཁྲིལ་ བཀྲིས་གཡང་རྩེ་རོང་ཁག་ འབུམ་སྡེ་གླིང་རྒེད་འོག་གི་ རྒཔོ་དང་ སྤུ་ན་ཁ་རོང་ཁག་ དགོན་ཤ་རི་རྒེད་འོག་གི་ དམངས་མི་ མོང་སྒར་རོང་ཁག་ བ་ལམ་རྒེད་འོག་ བ་ལམ་-མོར་ཕུ་སྤྱི་འོག་དང་ ན་རང་རྒེད་འོག་ ཁྲི་ནང་ཕུ་སྤྱི་འོག་གི་ རྒེད་འོག་ཚོགས་སྡེ་ཚོགས་པ་དང་ རྩིས་རང་རོང་ཁག་ སྤུང་རྟེན་ཆུ་རྒེད་འོག་ དཔལ་འབོར་གླིང་སྤྱི་འོག་གི་ རྒེད་འོག་ཚོགས་སྡེ་ཚོགས་པ་ པདྨ་དགའ་ཚལ་རོང་ཁག་ བཟོ་སྦལ་རྒེད་འོག་ ངང་མ་ལང་_ཟོར་མཇུག་སྤྱི་འོག་གི་ རྒེད་འོག་ཚོགས་སྡེ་ཚོགས་པའི་ གོ་གནས་ཀྱི་དོན་ལུ་ དུས་མིན་བཙག་འཐུའི་གྲུབ་འབྲས་འདི་ གསལ་བསྒྲགས་འབདཝ་ཨིན།
བཙག་འཐུ་གྲུབ་མི་ རྒཔོ་དང་དམངས་མི་ དེ་ལས་ རྒེད་འོག་ཚོགས་སྡེ་ཚོགས་པའི་ འདེམས་ངོ་ཚུའི་ ཁ་གསལ་ཚུ་གཤམ་འཁོད་ལྟར་ཨིན།
ཚོགས་རྒྱན་སྐྱུར་མིའི་གྲངས་འབོར་དང་ ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཚུ་གི་ གནས་ཚུལ་འདི་ གཤམ་འཁོད་ལྟར་དུ་ཨིན།
༡༽ ཐོ་བཀོད་གྲུབ་པའི་ཚོགས་རྒྱན་སྐྱུར་མི་བསོམས། ༤༣༧༧ ༼ཕོ། ༢༡༢༠ མོ། ༢༢༥༧༽
༢༽ ཚོགས་རྒྱན་སྐྱུར་ཡོད་པའི་བསོམས། ༡༥༩༨ ༼ཕོ། ༧༦༣ མོ། ༨༣༥ ༽
༼༡༽ ཚོགས་རྒྱན་འཕྲུལ་ཆས་ཐོག ༡༠༥༣
༼༢༽ འགྲེམ་ཐོག་རྒྱན་ཤོག་ཐོག ༥༤༥
༣༽ ཚོགས་རྒྱན་སྐྱུར་མི་བརྒྱ་ཆ། ༼ ༣༦.༥༡%༽
མཐའ་དཔྱད་ཀྱི་གྲུབ་འབྲས་དང་ས་སོང་གི་ཁ་གསལ་ཚུ་བཙག་འཐུ་ལྷན་ཚོགས་ཀྱི་ཡོངས་འབྲེལ་འཆར་སྒོ @www.ecb.bt ལས་འཐོབ་ཚུགསཔ་དང་ འབྲུག་གི་བཙག་འཐུའི་བཅའ་ཁྲིམས་ ༢༠༠༨ ཅན་མའི་ དོན་ཚན་ ༥༨༠ དང་འཁྲིལ་ སྐབས་ཐོབ་ཀྱི་ས་སོང་བསུབ་ནིའི་དོན་ལུ་ བཙག་འཐུ་གྲུབ་པའི་ འཐུས་མི་ཚུ་གིས་ ས་གནས་གཞུང་གཉིས་པའི་ གནས་ཡུན་ལྷག་ ལུས་རྐྱངམ་ཅིག་གི་རིང་ ཕྱག་ཕྱིད་ཞུ་ཆོག་ནི་ཨིན། བཙག་འཐུའི་བཤེར་ཡིག་ཕུལ་ནིའི་དུས་ཡུན་འདི་ ངལ་གསོ་ཚུ་མ་བརྩི་བར་ སྤྱི་ཚེས་༢༠-༡༡-༢༠༢༠ ལས་ འགོ་བཙུགས་ སྤྱི་ཚེས་ ༣-༡༢-༢༠༢༠ ཕྱི་རུ་ཆུ་ཚོད་ ༤ ལུ་ མཇུག་བསྡུ་ནི་ཨིན།
རང་ལུགས་གནམ་ལོ་ལྕགས་ཕོ་བྱི་ལོ་ རང་ཟླ་ ༡༠ པའི་ཚེས་ ༦ ལུའམ་ ༡༡-༢༠-༢༠༢༠ ལུ།
འབྲུག་གི་བཙག་འཐུ་ལྷན་འཛིན་སྤྱི་ཁྱབ།
