ས་གནས་གཞུང་གི་བཙག་འཐུའི་འདེམས་ཁོངས་ནང་ ཚོགས་རྒྱན་ཁ་གྱངས་མཐོ་ཤོས་འདྲ་མཉམ་ཐོབ་མི་ནང་ ཚོགས་རྒྱན་བསྐྱར་ལོག་འགོ་འདྲེན་འཐབ་ཡོད་པའི་གྲུབ་འབྲས་གསལ་བསྒྲགས།

༉    འབྲུག་གི་བཙག་འཐུ་ལྷན་ཚོགས་ཀྱིས་ འབྲུག་གི་བཙག་འཐུའི་བཅའ་ཁྲིམས་༢༠༠༨ ཅན་མའི་དོན་ཚན་༤༥༧ པ་དང་འཁྲིལ་ སྤྱི་ཚེས་༢༡-༩-༢༩༡༦ ལུ་ འཕྲལ་ཁམས་འགོ་འདྲེན་འཐབ་ཡོད་མི་ནང་ ཚོགས་རྒྱན་གྱི་གྱངས་ཁ་མཐོ་ཤོས་འདྲ་མཉམ་ཐོབ་ཡོད་མི་ ས་གནས་གཞུང་གི་འདེམས་ཁོངས་ཚུ་ནང་དང་ མོང་སྒར་རྫོང་ཁག་ ཨ་ཏོ་ལ་སྤྱི་འོག་ཚུ་ནང་ ཚོགས་རྒྱན་བསྐྱར་ལོག་འགོ་འདྲེན་འཐབ་ཡོད་པའི་གྲུབ་འབྲས་འདི་ དགའ་སྤྲོ་དང་བཅས་པའི་ཐོག་ལས་ གསལ་བསྒྲགས་འབདཝ་ཨིན།

བཙག་འཐུ་གྲུབ་པའི་འདེམས་ངོའི་མིང་གསལ་ཚུ་ གཤམ་འཁོད་ལྟར་དུ་ཨིན་མི་ཚུ་ཡང་

ཐོ་བཀོད་གྲུབ་པའི་ཚོགས་རྒྱན་སྐྱུར་མི་དང་ ཚོགས་རྒྱན་སྐྱུར་བར་འོང་མིའི་བརྡ་དོན་འདི་ གཤམ་གསལ་ལྟར་དུ་ཨིན།

༡.ཐོ་བཀོད་གྲུབ་པའི་ཚོགས་རྒྱན་སྐྱུར་མི་ཡོངས་བསྡོམས་   = ༦༩༦༥

༢.ཚོགས་རྒྱན་སྐྱུར་བར་འོང་མི་ཡོངས་བསྡོམས་   = ༢༧༠༧

ཀ༽   ཚོགས་རྒྱན་འཕྲུལ་ཆས་    =༢༢༨༧

ཁ༽   འགྲེམ་ཐོག་རྒྱན་ཤོག་          = ༤༢༠

༣.ཚོགས་རྒྱན་སྐྱུར་བར་འོང་མི་བརྒྱ་དཔྱ་      =༣༨.༩%

བཙག་འཐུ་ལྷན་ཚོགས་ཀྱིས་ མི་མང་ཡོངས་ལུ་ཞུ་དོན་འདི་ཡང་ བཙག་འཐུའི་བཤེར་ཡིག་བཙུགས་ནིའི་དུས་ཡུན་འདི་ ད་རེས་ལས་འགོ་བཙུགས་ སྤྱི་ཚེས་༨-༡༡-༢༠༡༦ མཇུག་བསྡུཝ་ཨིན་པའི་བརྡ་དོན་སྤེལཝ་ཨིན།

རང་ལུགས་གནམ་ལོ་མེ་ཕོ་སྤྲེལ་ལོ་ཟླ་བརྒྱད་པའི་ཚེས་ཉེར་གཉིས་སམ་ སྤྱི་ལོ་༢༠༡༦ ཟླ་༩ པའི་ཚེས་༢༢ ལུ་སྤེལ།

འབྲུག་གི་བཙག་འཐུ་ལྷན་འཛིན་སྤྱི་ཁྱབ།