༉ འབྲུག་གི་བཙག་འཐུ་ལྷན་ཚོགས་ཀྱི་ མི་དམངས་ཡོངས་ལུ་ཞུ་དོན་དེ་ཡང་ འབྲུག་གི་བཙག་འཐུའི་བཅའ་ཁྲིམས་༢༠༠༨ ཅན་མའི་དོན་ཚན་༡༡༢ པ་དང་ འབྲུག་གི་འགྲེམ་ཐོག་རྒྱན་ཤོག་ བཅའ་ཡིག་དང་སྒྲིགས་གཞི་༢༠༡༣ ཅན་མའི་དོན་ཚན་ ༤.༡ པ་དང་འཁྲིལ་ ས་གནས་གཞུང་གི་བཙག་འཐུ་གོ་རིམ་གཉིས་པ ༢༠༡༦ གི་ བཙག་འཐུའི་ཐོ་ཡིག་ཟིན་བྲིས་དང་ འགྲེམ་ཐོག་ཚོགས་རྒྱན་སྐྱུར་མི་ཚུའི་ཟིན་ཐོ་འདི་ མི་དམངས་ཀྱིས་བརྟག་ཞིབ་འབད་དེ་ ཐོབ་བརྗོད་དང་དགག་ཆ་བཀོད་ནི་གི་དོན་ལུ་ གསར་སྟོན་འབདཝ་ཨིན།
བཙག་འཐུའི་ཐོ་ཡིག་ཟིན་བྲིས་དང་ འགྲེམ་ཐོག་ཚོགས་རྒྱན་སྐྱུར་མི་ཚུའི་ཟིན་ཐོ་འདི་ འབྲེལ་ཡོད་རྫོང་ཁག་བཙག་འཐུའི་ཡིག་ཚང་དང་ ཐིམ་ཕུག་ཀ་ཝང་བྱང་ས་ འབྲུག་གི་བཙག་འཐུ་ལྷན་ཚོགས་ཀྱི་ཡིག་ཚང་ལྟེ་བ་ (དམངས་གཙོའི་ཁང་བཟང་) ཡང་ན་ བཙག་འཐུ་ལྷན་ཚོགས་ཀྱི་ཡོངས་འབྲེལ་འཆར་སྒོ་ www.election-bhutan.org.bt ཚུ་ནང་གཟིགས་ཚུགས།
ཁྱད་ཡོན་ལྡན་པའི་ཚོགས་རྒྱན་སྐྱུར་མི་ཆ་མཉམ་གྱིས་རང་ ཁྱོད་རང་བཙག་འཐུའི་ཐོ་ཡིག་ནང་ཚུད་ཡོདཔ་དང་ ཁ་གསལ་ཚུ་མ་འཛོལ་བར་ ངེས་བདེན་བཀོད་དེ་ཡོདཔ་ལུ་ བདེན་དཔྱད་འབད་གནང་དགོ་པའི་མགྲོན་བརྡ་ཞུཝ་ཨིན། ཐོབ་བརྗོད་ཟེར་མི་འདི་ བཙག་འཐུའི་ཐོ་ཡིག་ནང་བཀོད་ནི་ལུ་ (དཔེ་འབདནི་ བཙག་འཐུའི་ཐོ་ཡིག་ནང་ ནོར་བ་འབད་བཀོད་དེ་ཡོད་མི་དང་ ཡང་ན་ ག་འབད་རུང་ཅིག་གི་བརྡ་དོན་མ་ཚུད་པར་ཡོད་མི་དེ་ དག་བཅོས་འབད་ནི་ལུ་སླབ་ཨིན) དེ་ལས་ /ཡང་ན་ དགག་ཆ་ཟེར་མི་འདི་ (དཔེ་འབདནི་ བཙག་འཐུའི་ཐོ་ཡིག་ནང་ ག་འབད་རུང་ཅིག་འཛོལ་ཏེ་བཙུགས་ཡོད་མི་ལུ་ དགག་ཆ་བཀོད་ནི་ལུ་སླབ་ཨིན) གལ་སྲིད་ འདི་བཟུམ་ཚུ་ཡོད་དེ་འབད་བ་ཅིན་ སྤྱི་ལོ་༢༠༡༦ སྤྱི་ཟླ་༧ པའི་སྤྱི་ཚེས་༢༠ ལས་འགོ་བཙུགས་ སྤྱི་ཚེས་༣༠ ཚུན་གྱི་བར་ན་ རང་སོའི་འབྲེལ་ཡོད་ རྫོང་ཁག་བཙག་འཐུ་ཡིག་ཚང་ནང་ལུ་བཀོད་དགོ།
ཐོབ་བརྗོད་དང་དགག་ཆ་བཀོད་ནི་ལུ་དགོ་པའི་འབྲི་ཤོག་འདི་ བཙག་འཐུ་ལྷན་ཚོགས་ཀྱི་ཡིག་ཚང་ལྟེ་བ་ རྫོང་ཁག་བཙག་འཐུའི་ཡིག་ཚང་ དེ་ལས་ བཙག་འཐུ་ལྷན་ཚོགས་ཀྱི་ཡོངས་འབྲེལ་འཆར་སྒོ་ནང་ལས་ཐོབ་ཚུགས།
བརྡ་དོན་ཁ་གསལ་གྱི་དོན་ལུ་ འབྲེལ་བ་འཐབ་ས།
བསོད་ནམས་སྟོབས་རྒྱས།
མདོ་ཆེན་ངོ་ཚབ།
བཙག་འཐུའི་ཐོ་ཡིག་དང་བཅད་མཚམས་ལས་ཁུངས།
འགྲུལ་འཕྲིན་ཨང་ ༡༧༦༧༢༠༦༢
པར་འཕྲིན་ཨང་ ༠༢༣༣༤༧༦༣
(ཆོས་རྒྱལ་ཟླ་སྒོ་རིག་འཛིན)
འབྲུག་གི་བཙག་འཐུ་ལྷན་འཛིན་སྤྱི་ཁྱབ།
